Insɔ́m yi indámb ɔ̌ kuɔ́ŋ kú Isáaŋ.
Yésus Kilííse,mekélíé móólinoně ku Támbák
1 É nitúmín Mekélíé mapá mákany kɔ́ɔk.
Mekélíé mapá na Tǎmbák,mɔ́ɔ Támbákɛ́ɛ.
2 Mámapá kɔ́ɔk é kutúm ne kutúm na Támbák.
3 Maandá kitikiti Támbq́k mɛɛ́lɛ́, umɛɛlɛ́ mɔ́ɔ ne mekélíé; epú ne emú umɛɛ́lɛ́ kati mɛ́ɛ tipá.
4 Kusɔ́t mapá é mekelíé, kúu kúmaápq́ kisie kíteekenyé punya pɛɛndɔ ɛ.
5 Kisie áápunya kí imbíne, tɛ ɛ́ɛ́ imbíne nyíin kisie.
6 Támbákɛ́ɛ waatɔ́m mɔɔndɔ kisiɛ́n ɛ́ɛ̌ Isáaŋɛ.
7 Umoól asɛ etétúnyényi é kuesitétúnyényí ɛ̌ɛ́ pɛɛndɔ perm píondonyi ɔtɛ́m ne kisie.
8 Isáaŋ timapá kisie, umɛɛsíkɛ́nɛ́n ɛ́ɛ́ wáásipá etétúnyí u kisie.
9 Mɛɛ́tɛ mekélíé mámaápá kémuémue u kisie, ekí kímoól e kúúsí, é kuteekenyi mɔɔndɔ kitikiti.
10 Mekélíé mapá e kúǔsí, Mɔ́ɔ Támbǎk maápundán kúúsí kɔ́ɔk, tɛ nɔ́ɔ punya pɛɛndɔ ɛ péeleemit, tɛ kuand emrnyi mɔ́ɔ.
11 Umoól ku pɔ́kúɔ́p pɔ́kúɔ́p tɛ lukómi wɔ́ ɛ.
12 Maná epě mómoókólí wɔ́ ne peseé, ne epé pómoópíóndónyí ɔtɛ́m kɛ́ɛ́yɛ́ ɛ́ kisiɛ́n, umeekí pɔ́ɔ́ pukaaka pú kuɛ́y pzán pá Támbák.
13 Nupíén núɔ́pɔ́ óólinon ɔ́ kuɔyɔ kǔ Támbák kúú na kúu, nitipá nuólinon tɛ á manɔ́ŋ tɛ ɔ́ kuɔyɔ kú akǎandɔ nɛ ɛ13 Nupíén núɔ́pɔ́ óólinon ɔ́ kuɔyɔ kú Támbák kúú na kúu, nutipá nuólinon tɛ á manɔ́ŋ tɛ kiɔyɔ kú akáandɔ́ nɛ ɛnúmɛndɔ́ tɛ kí iŋilí ilotí.
14Mekělíé mɛ́kɛɛ́y mɔɔndɔ,mɔ́ɔ́kɔɔsinyɔmbɛ́t naasɔ́,tuɛ́nɛn nuímu níɛ́yɛ́, nuúmu enú Támbákɛ́ síi éékenyé kinsuúŋulɛ kíɛ́yɛ́ kí muɔ́n kiwóónón ni imɛmɔ́ ne kémuémue.15 Isáaŋ kéme kɛ́ɛ́yɛ́ ó pusío wɔɔyɔ ɛ́ɛ́ : « Indɛ́ ewú imɛɛ́l káánɔ́ ɛ́ɛ́ :Mɔɔndɔ ɔ́kɔɔŋɔn káámɛ é kélém, unyɛ ɔkɔ́n naamɛ, á kiákí ɛ́ɛ́ pámapá pámany pétimbíén, wɔ́ɔ umapá ukany kɔ́ɔk.»
16 Kɛ́ɛ́yɛ́ kɔ́ ɔtɛ́m peseé ú kati iŋetíe paasɔ́ peem tuatáŋap níásɔ́ niap ní punɛ́m tuatáŋap kipínúúne na pitál.
17 Kí imbɔ́k sí Moyǐis Támbák maátúfá pikotí; maná nɔ ɔtɛ́m peseé ne kémuémue móókoólinon é Yésus Kilíis.
18 Mɔɔndɔ na mɔɔndɔ mapása utiɛ́n Támbákɛ́ɛ; maná kɔk kinsuúŋulɛ kíɛ́yɛ́ kí muɔ́n kínyɛɛ́ Támbákɛ́ɛ,kínyɛɛ́ á masíá mé Síi, kíi kíɛlɛnɛ́ ɛ́ɛ́ túmeny Támbákɛ́ɛ.
Isáaŋ etéyúnyí
19 Pɔkɔ́n pɛ́ pɛyútɛn pé yelúsalɛm páápílikɛn pɔfunɔ́fɔn ne pelééfit á kutɔ́m pómotí kú Isáaŋ. Páámán a póówun Isáaŋɛ ɛ́ɛ́: « Aŋú ɛnyɛɛ́ ɛ́nyɛ?»
20 Isááŋ timɛnɛmbɛn pɔ́ puandá, waatían pɔ́ kémuémue ɛ́ɛ́ :«Indipá iŋú inyɛɛ́ Kilíise.» 21Póókoówun wɔ́ ɛ́ɛ́:« Aŋú ɛnyɛɛ́ kɔk ɛ́nyɛ? Elí a?» Wɔ́ ɛ́ɛ́:«Indipá Elíé wɔ.» Pákany andíkɛ́k kɛ́ɛ́yɛ́ ɛ́ɛ́:« Aŋú ɛnyɛɛ́ eŋémímekélíé má Támbák tupéétenyé a?» Woondinyi pɔ́ɔ ɛ́ɛ́: Puákóo.» 22 Pákany andá kɛ́ɛ́yɛ́ ɛ́ɛ́ :« Aŋú ɛnyɛɛ́ ɛ́nyɛ́ kɔk? tuɛ́kɛɛsikɛnɛn kuondinyi pɔsɔ́k pásiátútɔm. Tútíán ewú ɛnyɛɛ́.»
